Sun, 01 Apr 2007 16:58:14 +0200 http://www.korrika.org/ Korrika 15 :: Heldu eu http://www.korrika.org/images/logokorrika.gif http://www.korrika.org/ miryan@aeknet.net http://www.korrika.org/index.php?name=News&file=article&sid=69 EUSKARAREN ALDEKO ALDARRIAK BETE DITU IRUÑEKO KARRIKAKXabier eta Miren Amurizak idatzi eta irakurri dute Korrika 15en mezuaGoizeko zazpiak aldera sartu da Korrika 15 Iruñerriko karriketan, edizio honetako azken kilometroak egiteko. Eguraldia oker samar portatu arren, oso harrera beroa jaso du iruindarren aldetik, eta asko izan dira beraien auzoan korrika egin o­ndoren Gaztelu plazara hurbildu direnak, Korrikaren azken kilometroak ere egitera.Azken kilometro horietan euskal gizarteko eragile askok hartu dute parte, hala nola, politika, lan, hezkuntza eta euskalgintza arloko partaideak. Berria egunkariak ere azken kilometroetako bat egin du, eta egunkariko zuzendari Martxelo Otamendik eraman du lekukoa. Gogoratu beharra dago Iruñean amaitu zen 13. Korrikan, bera izan zela lekukoa azken metroetan eraman, eszenatokira igo eta mezua irakurri zuena, Egunkaria itxi eta hilabete eta erdira.Azken kilometroan, ohikoa den moduan, Edurne Brouardek Karrantzan herriaren esku utzitako lekukoa AEKren zuzendaritzak jaso du berriro 2.360 kilometro egin ostean. Karlos III.a hiribidetik sartu da Korrika Gaztelu plazara eta bertan prestatutako eszenatokira iritsi da, txalo zaparrada eta txalaparta doinu artean. Orduan heldu da Korrikaren une hunkigarrienetako bat, lekukoa ireki eta Euskal Herri osoa iparraldetik hegoaldera eta mendebaldetik ekialdera zeharkatu duen mezua atera dutenean mezu hori bera idatzi duten Xabier Amuriza eta Miren Amuriza bertsolari aita-alabak. Bien artean irakurri dute, bi belaunaldiren arteko elkarrizketa izan delako Korrika 15ek eraman duen mezua. "Bizi da, biziko da" izenburuarekin idatzi dute eta horrela irudikatu nahi izan dute 15. Korrikaren mezuak aipatzen duen transmisio lana, aitak emandako lekukoa alabak jasota. Argi dago Xabierrek Mirenekin euskararen eta bertsolaritzaren transmisio lana, behintzat, o­ndo baino hobeto bete duela, Miren Amuriza egun bertsolaria izateaz gain, Berrizko Bertsolari Eskolako arduraduna ere baita, 17 urterekin. Hori islatzea nahi izan zuten AEK-k eta Korrikak ere mezua Amurizatarrei enkargatu zietenean, zaharrek gorde eta transmititutako hizkuntza orain belaunaldi gazteen esku geratzen dela, gazteei dagokiela orain euskararen lekukoa hartzea eta transmisioari ekitea.Ekitaldia amaitu ostean, Xabier eta Miren Amurizak Korrika 15en mezua idatzi eta irakurtzeak "ilusio handia" egin diela adierazi dute. Xabier Amurizak beti hartu izan du parte Korrikan, "nola edo hala, 1.go Korrikaren kanta egin" zuenetik. "Une garrantzitsu batean zerbait eman ahal izatea ohorea izan da guretzat, eta alabari ere betiko geratuko zaio gogoan egun hau" adierazi du Xabier Amurizak. Sun, 01 Apr 2007 16:58:14 +0200 http://www.korrika.org/index.php?name=News&file=article&sid=68 Korrika 15ek iragan du dagoeneko ekuatorea, eta hasia du Iruñeko biderako azken zatia. Martxoaren 22an abiatu zen Karrantzatik eta Bizkaian, Araban eta Gipuzkoan ibili ondoren, Nafarroan sartu zen astearte iluntzean. Oso jendetsua izaten ari da Korrika 15, nahiz eta orain arteko kilometroetan eguraldiak lagundu ez. Izan ere, euriak eta elurrak ere Korrikarekin bat egin dute. Korrika Iruñera hurbiltzen ari dela-eta, apirilaren 1eko jaia prestatzen ari da bertan, Korrika 15ek merezi duen ongietorri beroa izan dezan. Dagoeneko ezagunak dira Iruñeko Udalak jarri nahi izan dituen trabak, baina Korrika 15ek oztopo guztiak gainditu ditu, eta hiria prest da Korrikari Gaztelu plazan ohorezko harrera egiteko, eguerdiko ordu baterako minutu gutxi faltako direnean. Hortaz, AEK-k dei egiten dio herritar orori bertan parte har dezan, eta Iruñeko karriketan euskararen aldeko aldarria entzun dadin. AEK-ko euskaltegiak Iruñerako autobusak antolatzen ari dira. Informazio gehiago lortzeko, Wed, 28 Mar 2007 18:30:11 +0200 http://www.korrika.org/index.php?name=News&file=article&sid=67 ortuella.blogsome.com-en ikusgai eta eskuragarri dituzue Ortuellako korrikaren argazkiak. Bertan, gure herrian sartzen denetik Trapagaranera bitarteko argazkiak daude. Animo korrika eta heldu euskarari!!!! Dun Dun Dun... ORTUELLA EUSKALDUN!!! Tue, 27 Mar 2007 19:46:33 +0200 http://www.korrika.org/index.php?name=News&file=article&sid=66 Lasterketa bezperan, CCOO, EHNE, ELA, ESK, HIRU, LAB, eta STEE- EILAS sindikatuek Korrikari babesa eman diote. Lan munduan euskara bultzatzera konprometitu dira: “Asko dira enpresetan garatu diren eta eskatu izan ditugun euskaratze planak, eta lan hartu-emanak euskaraz izan daitezen lanean ari gara sindikatuetan. Korrikak gizabanakoaren eta erakundeen konpromisoari dei egiten dion moduan, guk ere gutariko bakoitzaren konpromisoari dei egiten diogu gure lan lekuan, enpresan, jardunean, egunero-egunero, euskaraz jarduteko”. Edurne Brouard Korrika 15eko arduradunarekin eta Mertxe Mugika AEK-ko koordinatzaile nagusiarekin izan dira CCOOeko Jesus Uzkudun, EHNEko Unzalu Salterain, ELAko Leire Txakartegi, ESK-ko Josu Balmaseda, LABeko Aitziber Madrazo eta STEE-EILASeko Arantza Fernandez de Garaialde. Wed, 21 Mar 2007 13:36:29 +0100 http://www.korrika.org/index.php?name=News&file=article&sid=65 Martxan jartzeko bi egun besterik falta ez direnean, Udalbidek ere atxikimendua adierazi dio Korrika 15i. Hori dela-eta, Azpeitiko udaletxean elkartu dira Korrika 15en arduradun Edurne Brouard eta AEKren ordezkari Mertxe Mugika batetik, eta Udalbideren Zuzendaritza Batzordearen lehendakari Julian Eizmendi eta lehendakariorde Jesus Mª Agirrezabala, bestetik. Argazkian, Julian Eizmendi, Edurne Brouard eta Mertxe Mugika. Tue, 20 Mar 2007 18:21:28 +0100 http://www.korrika.org/index.php?name=News&file=article&sid=64 Martxoaren 22an Karrantzan Korrika abiatzeko gero eta gutxiago falta da. Gaur, egun horretako aurkezpena egin dute Edurne Brouard Korrika 15eko ardurandunak, Jose Luis Portillo Karrantzako alkateak eta Tito Serrano Korrikaren Bizkaiko arduradunak. Orain arte Korrika ez da Karrantzan izan, eta zor historiko hori ordaintzeko asmoz, AEK-k aurten lasterketa bertan hastea erabaki du. Edurne Brouard-ek esan duenez, "Korrikak euskara Euskal Herriaren eremu osoan hitz egin beharreko hizkuntza dela erakutsi nahi du, eta euskararen aldeko jai erraldoi hori Euskal Herriko mutur guztietara heltzen dela. Karrantza, zoritxarrez, herri erdalduna da, baina, aldi berean, euskaltzalez osatutako herria da. Jende horrek merezi du Korrika hara heltzea, euskaltzaletasunetik euskalduntzerako urratsa emateko laguntza izan daitekeela uste baitugu". Mon, 19 Mar 2007 18:23:16 +0100 http://www.korrika.org/index.php?name=News&file=article&sid=63 Korrika 15 Karrantzan hasten dela-eta, bere oroimenez egindako ekimena da. Karrantza Harana Mendi Taldeak bere lehen mendi-postontzia jarri du joan den igandean, martxoaren 18an, Ranero Haitzean. Ez da mendi-postontzi arrunta, kanpotik ikusita Korrikako testiguaren antzekoa baita. Mendi taldeari Korrikari laguntzeko otu zaio ekimena. Ranero, 737 metroko altueran dagoen haitza da. Euskal Herria eta Kantabriaren arteko mugan dago, eta Karrantzako Pozalagua kobazulo berezietatik gertu. Altzairuz egindako mendi-postontziak Korrika 15, Karrantza Harana Mendi Taldea eta Karrantzako Udalaren inskripzioak izango ditu. Korrika ez da orain arte Karrantza bailaratik pasa, eta aurten neurri baten horregatik hasten da han. AEK-k eta Korrikak Karrantzarekin duten zor historikoa ordaintzeko gutxi falta den honetan, Karrantzako herritarrak oso harrera ona eman diote Korrikari. Martxoaren 22an, Korrika hasi baino pixka bat arinago plaka bat inauguratuko dute udaletxeko plazan, eta bertan, honako hau irakurri ahalko da: KORRIKA 15 AEK KARRANTZA-IRUÑEA Euskaraz hitz eginez, herri bat osatzen dugu euskaldunok: Euskal Herria, EUSKARAREN HERRIA 2007ko martxoaren 22an Karrantza Haranetik abiatu zen euskararen haizea euskal lurretarantz Mon, 19 Mar 2007 17:39:39 +0100 http://www.korrika.org/index.php?name=News&file=article&sid=62 Korrika bera hasi baino egun batzuk lehenago egin ohi den bezala, Korrika 15 jende aurrean aurkeztu zen atzo Euskaltzaindian. Bertara euskal kultura eta gizarteko hainbat pertsona ezagun izan dira Korrikari atxikimendua ematen. Besteak beste, bertan izan ziren Eusko Jaurlaritzako Kultura Saileko Hizkuntza Politikarako sailburuorde Patxi Baztarrika eta Zerbitzu zuzendari Lorea Bilbao; Euskaltzaindiko euskaltzainburu Andres Urrutia eta Xabier Kintana euskaltzaina; HABEko zuzendari Joseba Erkizia; Bizkaiko Foru Aldundiko Kulturako foru diputatu Belen Greaves, eta Gotzon Lobera, Euskararen Sustapenerako zuzendaria; hainbat alderdi politiko eta sindikatutako ordezkariak; Bilgune Feministako Izaskun Guarrotxena; Bilboko Udaleko euskara zinegotzi Ana de Castro; Ikastolen Konfederazioko Iñaki Etxezarreta eta Erramun Osa; ETBko zuzendari Bingen Zupiria; EKTko Joan Mari Larrarte eta Josean Lizarribar; Athleticeko Jose Angel Iribar eta Lagun Aro Bilbao Basketeko Eduardo Castañeda eta Xabier Jon Davalillo; Lutxo Egia eta Anjel Zelaieta idazleak; Jon Enbeita, Estibaliz Esteibar eta Iñaki Murua bertsolariak; eta kultura eta euskara arloko beste hainbat eta hainbat partaide. Fri, 16 Mar 2007 18:19:15 +0100 http://www.korrika.org/index.php?name=News&file=article&sid=61 Jakin dakizuen moduan martxoaren 22an hasiko da Korrika Karrantzatik. Martxoaren 27an sartuko da Nafarroan eta apirilaren 1ean ailegatuko da Iruñerrira bertan amaitzeko. Inoiz izan den Korrikarik handiena izatea espero dugu eta horretan ari gara ahaleginetan. HELDU izan da Korrika honetarako hautatu dugun hitz gakoa eta Korrika aurten ere helduko da Iruñera, baina ez oztopo gutxirekin. Fri, 16 Mar 2007 17:42:50 +0100 http://www.korrika.org/index.php?name=News&file=article&sid=60 Gero eta egun gutxiago falta dira Korrika 15 hasteko, eta euskararen aldeko lasterketak babes ugari jaso ditu azkenegunotan. Eusko Alkartasunak ere bere atxikimendua erakutsi gura izan dio Korrika 15-i. Gasteizen elkartu dira, Eusko Legebiltzarreko EAren bulegoetan, EAtik Unai Ziarreta idazkari nagusia eta Onintza Lasa EAko bozeramailea, eta AEKtik Edurne Brouard Korrika 15en arduraduna, eta Mertxe Mugika AEK-ko koordinatzaile nagusia. Fri, 16 Mar 2007 17:16:54 +0100 http://www.korrika.org/index.php?name=News&file=article&sid=59 Ezker Batua-Berdeak-ek bere babesa eman dio Korrika 15i. Euren atxikimendua adierazteko EB-ko Bilboko Udaleko Julia Madrazo eta Mikel Arana AEK-ko Mertxe Mugika eta Edurne Brouard-ekin elkartu dira, EBren Bilboko egoitzan. Thu, 15 Mar 2007 13:34:42 +0100 http://www.korrika.org/index.php?name=News&file=article&sid=58 EAE-ko Lehendakari Juan Jose Ibarretxek babesa eman dio Korrika 15-i. AEK-ko hainbat kide hartu ditu Lehendakaritzan: Mertxe Mujika AEK-ko koordinatzaile nagusia, Edurne Brouard Korrika 15eko arduraduna eta Asier Amondo eta Ainhoa Castro AEKren zuzendaritzako kideak. Eurekin berba egin eta aste bete barru abiatuko den Korrikari babesa eman nahi izan dio Ibarretxek, orain arte hainbat alderdi politiko eta gizarte eragilek egin duten bezala. Thu, 15 Mar 2007 12:06:01 +0100 http://www.korrika.org/index.php?name=News&file=article&sid=55 Gaur goizean ezker abertzaleko Marije Fullaondo, Pernando Barrena eta Mikel Galartza Korrika 15eko arduradun Edurne Brouard eta AEK-ko koordinatzaile nagusi Mertxe Mujikarekin bildu dira eta Korrika 15ean parte hartzera dei egin dute. Marije Fullaondok adierazi duenez "ezker abertzaleak beti bultzatu ditu euskararen aldeko ekimenak eta baita Korrika ere 1980an lehenengo edizioa ospatu zenetik, beraz gure sostengu osoa ematen diogu 15. Korrikari." Tue, 13 Mar 2007 12:40:13 +0100 http://www.korrika.org/index.php?name=News&file=article&sid=54 Kulturbira herririk herri, ohiko Korrika Kulturalari gehituko zaizkion emanaldiak bultzatzeko sortu den proiektua da. AEK-k, azpiegitura eta emanaldi kulturalaren berri emango duen karpa jarriko du hogei bat herritan. Herri hauetako kaleetan, kale antzerki bat ere izango da, Eidabe antzerki taldearen eskutik. Miss Heldu izeneko antzezlanean, Korrikaren inguruko spot bat grabatzen ariko da zine ekipo bat, eta herritarrak eurak izango dira spot horren protagonistak. Aste honetan herri hauetan izango da, egitarau hauekin: Mon, 12 Mar 2007 17:19:43 +0100 http://www.korrika.org/index.php?name=News&file=article&sid=53 Gaur goizean Udalbiltzak bere atxikimendua adierazi dio korrika 15i eta berau antolatzen duen AEKri. Udalbiltzako Loren Arkotxa eta Zigor Txopitea, korrika 15aren arduradun Edurne Brouardekin eta AEKren ordezkari Mertxe Mujikarekin elkartu dira. Udalbiltzako Loren Arkotxaren iritziz, "korrikak eta AEK-k hizkuntz eskubideak egikaritzen laguntzeko eta euskararen normalizazioranzko pausoak emateko ezinbesteko tresna da. Helduen alfabetatzean, urte luzez eginiko lana zinez txalogarria da. Euskal herritarrei zor zaigun oinarrizko eskubide den arren, hizkuntza eskubidea, egunez egun berau zapaldua da. Euskal herritar guztiek, hala nola geroko belaunaldiek, euskaraz bizitzeko eta garatzeko eskubidea daukate, inolako murrizketarik gabe. Bide horretan AEK-k gure herrian funtsezko papera betetzen hari da, eta agerraldi bateratu honen bidez, lana babesteaz gain , bultzatu ere nahi du Udalbiltzak." Mon, 12 Mar 2007 13:19:36 +0100 http://www.korrika.org/index.php?name=News&file=article&sid=52 Aralarrek babesa agertu dio Korrika 15i. Egunotan Korrikako arduradunek gizarte eragile ezberdinekin egiten ari diren harreman sortaren barruan, atzo Aralarko kideak hartu zituzten AEKren Bizkaiko egoitzan. Edurne Brouard Korrika 15eko arduraduna eta Fernando Landaburu AEKkoa Mikel Basabe Aralarko bozeramaile eta Josu Murgia zuzendaritzako kidearekin elkartu ziren. Aralarko kideek atxikimendua azaldu zioten hilaren 22an Karrantzan (Bizkaia) hasi eta Iruñeraino helduko den aurtengo Korrikaren ekimenari. Mon, 12 Mar 2007 13:11:06 +0100 http://www.korrika.org/index.php?name=News&file=article&sid=51 Euskararen Gizarte Erakundeen Kontseiluko ordezkariek Korrikari babesa azaldu eta "Korrikari heltzeko" deia egin dute gaur Donostian AEK-ko ordezkariekin bilduta. Kontseiluko Xabier Mendiguren eta Itxaso Ferreras AEK-ko Edurne Brouard eta Ainhoa Kastrorekin izan dira Korrikaren aldeko agerpenean. "Hona etorri gara Korrikari gure atxikimendua ematera, eta herritarrei Korrikari heltzeko deia egitera", esan du Xabier Mendigurenek. Hala, Korrikan parte hartzera deitu ditu herritarrak. Halaber, gaur Emakumeen Nazioarteko Eguna dela kontuan hartuta, Korrika 15ek emakumea omentzeko hartutako erabakia goretsi du, "gaurko egunean hori gogoratzea oso bidezkoa eta azpimarratzekoa" dela nabarmenduz. Ildo horretan, Kontseiluak bat egin du Korrika 15ek emakumeari egiten dion omenaldiarekin, euskararen biziraupenean emakumeak egin duen lan eskerga aitortuz. Azkenik, arrakasta opatu dio Korrikari. Bestetik, Edurne Brouard-ek eskerrak eman dizkio AEK-ren izenean Kontseiluari, eta elkarlanaren beharra azpimarratu du: "Gure lelo nagusia Heldu da, baina badira beste zenbait azpi-lelo, agian hain zabalduta ez daudenak. Adibidez, Heldu elkarlanari. Eta ekitaldi honek, hain zuzen, elkarlanaren behar hori nabarmentzen du, Korrika euskaltzale guztion ekimena delako, eta elkarlan horren irla delako Kontseilua. Guretzat garrantzitsua da Kontseiluak publikoki babesa agertzea". Thu, 08 Mar 2007 18:39:56 +0100 http://www.korrika.org/index.php?name=News&file=article&sid=50 EAJ alderdiak Korrika 15eri atxikimendua adierazi dio eta Korrikan parte hartzera eta berau laguntzera deitu du. Korrika 15eko arduradun Edurne Brouard eta AEK-ko koordinatzaile nagusi Mertxe Mujikak bilera egin zuten EBBren idazkari Josune Ariztondo eta Euskara Saileko burukide Markel Olanorekin. Bileran Korrika 15en gaineko zehaztasunak azaldu zizkieten EAJ-ko ordezkariei. EAJ-ko ordezkariek beraien eta beraien alderdiaren atxikimendua eta babesa adierazi zioten korrikari eta AEK-ri. Wed, 07 Mar 2007 16:50:15 +0100 http://www.korrika.org/index.php?name=News&file=article&sid=49 Ikastolen Konfederazioak, unitate didaktikoa. Eta Pirritx eta Porrotxek, Txis pun! Korrika!kanta.Bi opari eder jaso ditu Korrika 15ek gaurkoan: Euskal Herriko Ikastolen Konfederazioak, Korrikaren azken edizioetan ohikoa den moduan, unitate didaktikoa egin du Euskal Herri osoko ikastola eta eskoletan erabiltzeko. Eta Pirritx eta Porrotx pailazoek Txis pun! Korrika! kanta eskaini diote AEKri Korrika txikiak girotzeko. Bi lan hauek aurkezteko prentsaurrekoa eman du Korrika 15ek Bilborock aretoan. Koldo Tellitu Euskal Herriko Ikastolen Konfederazioko lehendakariak atxikimendua erakutsi die AEK eta Korrikari, eta euskarak bereizi baino, euskaldunok batu egin behar gaituela adierazi du: “Gure hizkuntzak haren indarberritzea irabazteko lotu egin behar gaitu. Pasa diezaiogun elkarri euskararen aldeko lekukoa, zintzotasunez, ikuspegi zabalez eta berritu dezagun euskararen aldeko konpromisoa, bidenabar”. Kristina Boan Euskaraz Biziko Gipuzkoako arduradunak, berriz, unitate didaktikoaren nondik norakoak azaldu ditu. Web honetan bertan ikus dezakezue unitate hori oso-osorik. Wed, 07 Mar 2007 13:52:51 +0100 http://www.korrika.org/index.php?name=News&file=article&sid=48 Pirritx eta Porrotx pailazoek kanta bat eskaini diote Korrika txikiari. Hemen dauzkazue ikusgai Pirritx eta Porrotxen kantaren letra eta kanta bera. Klikatu Pirritx eta Porrotxen kanta atalean eta abestia entzun eta bideoklipa ikusteko aukera izango duzue. Wed, 07 Mar 2007 12:46:29 +0100 http://www.korrika.org/index.php?name=News&file=article&sid=47 Korrika materiala o­ndoko dendetan aurkitu ahal izango duzue:NAFARROA •     Iruñea: Gaztelu Plaza, 10. Ordutegia: asteartetik ostegunera 17:00etatik 20:00etara eta ostiral eta larunbatetan 11:00etatik 13:30era eta 17:00etatik 20:00etara. •     Tutera: Sorgina denda. Boveda kalea, 22. •     Elizondo: Kattalingorri denda. Santiago kalea 22•     Altsasu: Iker Kirolak denda. Intxaurrondo, 14.•     Lizarra: Gothica denda. Inmaculada, 58.ARABA •     Gasteiz: Takida denda. San Francisco aldapa, 18.•     Gasteiz: Sugaar denda. Pintoreria kalea, 62 behea (Alde Zaharra)•     Laudio: Trenpea denda. Ezka, 2.BIZKAIA•     Bilbo: Korrika denda. Barrenkale barrena, 9 (Alde Zaharra)•     Karrantza: Terubi kirolak. Kontxa kalea, 4 •     Portugalete: Itoiz denda. Danok bat, 8.•     Sestao: Goitxai euskal denda. Lorenzo Llona, 3.•     Ondarroa: Korrika denda Alamedan•     Erandio: Lezana estankoa. Obieta, 14GIPUZKOA•     Ordizia: AHT Gelditu! Elkarlana taldearen lokalean. Goierri kalea, 1.•     Hernani: Mahuka denda. Kardaberas, 28.•     Andoain: Li denda. Kale Nagusia, 6. Tue, 06 Mar 2007 11:47:05 +0100 http://www.korrika.org/index.php?name=News&file=article&sid=46 AEK-ko eta Korrikako ordezkariak milakabilaka ariketaren ordezkariekin bildu dira gaur goizean Bilbon eta bertan AEK eta Korrikaren sostengua adierazi diote milakabilaka egitasmoari. AEK OHD-ko sinatzaile eta sustatzailea da eta milakabilaka egitasmoko bultzatzailea hasiera-hasieratik. Horrela, AEK-k gatazkaren konponbidearen aldeko konpromisoa berretsi du eta milakabilaka ekimenean parte hartzera deitu du. halaber, OHD-ko ordezkariek ere Korrikan parte hartzeko deia luzatu dute. AEK-ko eta Korrikako ordezkariek adierazi dutenez "kanpaina biak bultzatu behar dira, konponbidearen eta euskararen alde egin nahi badugu". Wed, 28 Feb 2007 16:44:11 +0100 http://www.korrika.org/index.php?name=News&file=article&sid=40 AEK eta Korrikak otsailaren 24an euskal emakumea omendu zuten, antzerki, dantza, poesia eta musika ekitaldian. Kursaalean izan zen omenaldia. Hasteko, Pantxike Mendiola 85 urteko emakumea ipuin bat kontatzen hasi zen, euskararen transmisioaren irudi. Euskararen lekuko aldaketa horren irudi ere agertu zen haurdun, Amagoia Lauzirika, etorkizunean bere umea izango zenari euskarazko lehen berbak esaten. Ama guztiek baina, ezin izan dizkiote hitz horiek euren seme-alabei zuzenean transmititu; euskaraz hitz egiten jakin barik, ordea, hainbat emakumek euren seme-alabentzako euskara aukeratu dute. Hori izan da Eider Rodriguez idazlearen kasua, eta omenaldia bere amari eskaini nahi izan zion: “nire hitzak, zuretzat hots hutsak diren arren, zuretzat, ama, omenaldi hau, zuretzat eta zu bezalakoentzat, hitzez ulertzen ez duzuen omenaldi hau”. Mon, 26 Feb 2007 12:26:56 +0100 http://www.korrika.org/index.php?name=News&file=article&sid=32 Abestiarekin batera Korrikako bideoa ere aurkeztu duteKorrika hurbiltzen ari den honetan, Korrika bera eta bere inguruko ekitaldiak girotuko dituen kanta eta bideoa ezagutu ditugu. Korrika 15eko kanta, Heldu Korrikari, Niko Etxartek konposatutako musikarekin eta bere berbekin dator. Ohi bezala, Hapa-Hapa taldeko musikariak izan ditu Niko Etxartek laguntzaile. Kantuan, bestetik, Euskal Herri osoko ahots eta estilo desberdinetako abeslariak izan ditu alboan: Barricada taldeko Enrique Villareal El Drogas, Dominic Earl, Betagarri taldeko Iñaki Ortiz de Villalba, Joseba Gotzon, Xabaltx, Arima Beltza taldeko Jon Gurrutxaga, Ozke taldeko Klod Etxebaerria, Amaren alabak talde zuberotarreko Luxi, Maider eta Grasi, eta Bruno Hollemaert. Kanta entzuteko sartu HONA Tue, 13 Feb 2007 18:27:43 +0100 http://www.korrika.org/index.php?name=News&file=article&sid=28 Emakundek, Bilgune Feministak eta Mujeres Progresistas de Navarra taldeak euren atxikimendua agertu diote Korrika 15en manifestuari Gasteizen egindako agerraldian. Bertan bildu dira Izaskun Moyua Emakundeko zuzendaria, Izaskun Guarrotxena Bilgune Feministaren izenean eta Ainhoa Aznarez Mujeres progresistas de Navarra ordezkatuz, Korrika 15ek euskal emakumearen euskararen aldeko lana aitortzeko asmoz idatzitako manifestua jendaurrean sinatzeko. Fri, 09 Feb 2007 20:37:55 +0100